ᐅᑉᓗᖅ 9

ᓴᓇᑦᑕᐃᓕ, ᐅᒃᑑᐱᕆ 6

Key Verse: ᑐᒃᓯᐊᖅᐳᖓ ᑖᑉᑯᐊᓕᒫᑦ ᐊᑕᐅᓯᖁᑉᓗᒋᑦ; ᐃᒡᕕᑦᑐᐊᖅ ᐊᑖᑖᒃ, ᐃᓗᒻᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑕᐃᑉᑯᐊᑦᑕᐅᖅ ᐃᓗᑉᑎᖕᓃᖁᑉᓗᒋᑦ, ᓯᓚᕐᔪᐊᒥᐅᑦ ᐅᒃᐱᓕᖁᑉᓗᒋᑦ ᑎᓕᓚᐅᕋᕕᖓ. ᓂᖅᑐᕐᓇᕐᓂᖅᓗ ᐅᕙᒻᓄᑦ ᑐᓂᓚᐅᖅᑕᐃᑦ ᑐᓂᓚᐅᖅᐸᕋ ᑖᑉᑯᓄᙵ, ᑖᑉᑯᐊ ᐊᑕᐅᓯᐅᖁᑉᓗᒋᑦ ᐅᕙᑉᑎᑐᑦ, ᑖᑉᑯᓇᓃᓗᖓ ᐃᒡᕕᓪᓗ ᐅᕙᒻᓃᖢᑎᑦ, ᐊᑕᐅᓯᒻᒪᕆᐅᓕᖁᑉᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᑉᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᒻᓂᒃ ᓇᒡᓕᒍᓱᒃᑐᑦ. —ᔪᐊᓇᓯ 17:21–23

Prayer Point: ᐊᐱᕈᓗᑎᑦ ᐊᑕᐅᓯᙳᖃᑎᒋᔪᒪᓗᒍ ᑎᒥᖓ Xᔅᑑᓯᐅᑉ.

Prayer: ᐊᑕᓃᖅ ᔩᓱᓯ, ᑐᒃᓯᐊᖅᐳᒍᑦ ᓱᓕᔪᒥᒃ ᑐᒃᓯᐊᕐᕖᑦ ᐊᑕᐅᓯᖑᖅᓯᒪᖁᑉᓗᒋᑦ, ᓱᕐᓗ ᐃᒡᕕᓪᓗ ᐊᑖᑖᓗ ᐊᑕᐅᓯᐅᒐᑉᑎᒃ. ᓇᒡᓕᖕᓃᑦ ᑐᒃᓯᕋᖅᐸᕗᑦ ᐃᓱᒪᒋᔪᖕᓇᐃᖃᑎᒌᒍᖕᓇᖁᑉᓗᑕ ᐅᕙᑉᑎᖕᓂᒡᓗ ᒥᑭᒡᓕᑎᕐᓗᑕ, ᓇᒡᓕᒃᑎᒌᒡᓗᑕ ᓇᒡᓕᒋᒐᑉᑎᒍᑦᑕᐅᖅ ᐊᒻᒪᓗ ᑐᓂᔾᔪᑎᒋᓚᐅᕋᕕᑦ ᐅᕙᒍᑦ ᐱᔾᔪᑎᒋᑉᓗᑕ. ᓯᓚᑐᓂᕐᒥᒃ ᑐᓂᓯᕝᕕᒋᑎᒍᑦ ᐊᒻᒪᓗ ᖃᐅᔨᑎᓪᓗᑕ ᖃᓄᖅ ᐱᓱᐊᓂᒍᖕᓇᕐᒪᖔᑉᑖᑦ ᐊᑕᐅᓯᐅᖃᑎᒋᖕᓂᕐᒥ, ᐊᔾᔨᒌᙱᓐᓂᖃᕋᓗᐊᖅᑎᓪᓗᑕ. ᑐᒃᓯᐊᖅᐳᒍᑦ Xᔅᑑᓯᒥᐅᑦ ᑎᒥᖓ ᓄᓇᕗᒻᒥ ᐃᓂᖅᓯᒪᓕᖁᑉᓗᒍ ᐊᑕᐅᓯᐅᓂᕐᒥ — ᐊᒻᒪᓗ ᓄᓇᕐᔪᐊᖅ ᑕᑯᑎᑕᐅᓗᓂ ᔩᓱᓯ ᐊᑕᓂᐅᖕᒪᑦ, ᐊᑕᐅᓯᐅᓂᒃᑯᑦ ᐊᒻᒪᓗ ᓇᒡᓕᖕᓂᒃᑯᑦ ᑐᒃᓯᐊᕐᕕᖕᒥ. ᐃᒡᕕᑦ ᐊᑎᒃᑯᑦ, ᐊᒥᓐ.